仙踪林 (已結業)

同男朋友系CWB行黎行去,决定唔到食乜野,最后决定试下呢间仙踪林,唔试都仲觉得好似OK,一试就一D都唔OK 晚饭时间唔驶等位,行到入去唔算太多枱客,坐低就开始睇MENU拣野食,款式唔算好多,男友最后拣左鸡扒便当+青苹果绿茶,而我就拣左照烧蘑菇鸡扒炒乌冬+蜂蜜绿茶,夹埋总共$96,叫WAITER落单,点知落单后要即时俾钱埋单,听到果阵当场呆左一呆,呢样本人已经唔太钟意...不过男友话因为呢度间隔问题,可能要咁做?!系唔系真系因为咁,我就唔知喇~两杯野饮好快就到,饮品方面:男友话佢杯野有D苦苦地...我果杯我就觉得OK的。食物方面:鸡扒便当,见到个样好似OK几好味XD食落去都OK的,但问题出系鸡扒果度鸡扒果边,有D菜垫底,当我男友食左一条菜之后,咸到想死...D菜俾劲多豉油浸住左,要即时食返啖饭黎中和返D咸味,将D豉油聚埋一边先发觉,真系好似豉油浸鸡扒 = =至于我果个照烧蘑菇鸡扒炒乌冬,一拎到黎果阵已经觉得好油,未食到落底已经咁油,食到落底,一定更加多油...整体上个乌冬都算OK,乌冬几弹牙,我不停食D乌冬,D蘑菇好普通,似系一堆放埋落去炒就算,唔觉有照烧过= =鸡扒有大约5-6旧左右,