影片
更多
2007-06-24
16 浏览
2007年5月16日今日放左工奉名去大有商场试新野． 去左「荣寿司」试食． 因为早，去到唔系好多人，都有位． 好似好先进咁．Order有部电脑，可以touch screen咁拣食物．寿司都ok，仲有好多其他小食． 之后就多人黎，咁就弊喇，多人就乱：d侍应生手！又黎错野． 咁我以为好先进的电脑order，原来之后要人手mark响张单度．因为d侍应生手，可能又唔多识英文（识都冇用，D寿司英文都系用日文并音架啦），好衰唔衰张单又只有英文（都唔知边鬼个设计，可能照抄新加坡的），佢地成日问其他侍应要剔边格！大佬呀，个POS做乜设计一半唔设计埋另一半呀？落order就识，计数埋单就唔识．于是，咪要拎住张单去收银度畀钱啰，个收银又由头key in过D野入去个机度，好衰唔衰又key漏，要我提佢． 最后，问佢张卡片，佢揾左一转，话派晒．写左个电话号码畀我，又话依家暂时唔接受订位住：「你都见我地依家好混乱架啦～！」？好混乱？我都见，唔驶你讲畀我听呀？唔应该讲果句都讲埋． 希望佢日后好D啦！相片：http://clementnet.spaces.live.com/blog/cns!3C21C00591BFC
今日放左工奉名去大有商场试新野．
去左「荣寿司」试食．
因为早，去到唔系好多人，都有位．
好似好先进咁．Order有部电脑，可以touch screen咁拣食物．
寿司都ok，仲有好多其他小食．
之后就多人黎，咁就弊喇，多人就乱：d侍应生手！又黎错野．
咁我以为好先进的电脑order，原来之后要人手mark响张单度．因为d侍应生手，可能又唔多识英文（识都冇用，D寿司英文都系用日文并音架啦），好衰唔衰张单又只有英文（都唔知边鬼个设计，可能照抄新加坡的），佢地成日问其他侍应要剔边格！大佬呀，个POS做乜设计一半唔设计埋另一半呀？落order就识，计数埋单就唔识．于是，咪要拎住张单去收银度畀钱啰，个收银又由头key in过D野入去个机度，好衰唔衰又key漏，要我提佢．
最后，问佢张卡片，佢揾左一转，话派晒．写左个电话号码畀我，又话依家暂时唔接受订位住：「你都见我地依家好混乱架啦～！」？好混乱？我都见，唔驶你讲畀我听呀？唔应该讲果句都讲埋．
希望佢日后好D啦！
相片：http://clementnet.spaces.live.com/blog/cns!3C21C00591BFCEF0!895.entry
张贴