BriKetenia (已結業)

嚟到观塘，第一时间一定系谂到APM，虽然野食众多，但都唔系我嘅心水。其实观塘一啲唔出名既小商场同工厦隐藏左好多好野食，今次就黎到呢间系法国拎米之莲一星嘅法国餐厅食午餐。虽然装修唔算好豪华，但同样带有西方风格既阴暗，布置上都几有格调，沙发位都突显到高尚既感觉👍🏻呢度主要系以套餐为主。落单后店员马上递上暖笠笠嘅法包，配上自家制既银鱼柳蒜蓉蛋黄酱，十分惹味！面包外脆内松软，口感好好，所以我地要refil多转。首先头盘拣左《蕃茄水牛芝士沙律》估唔到都几大份，沙津菜新鲜爽口，配上橄榄油、黑醋同水牛芝士，感觉好清新同健康。Main course 《波士顿龙虾扁意粉配龙虾汁》$258龙虾肉爽弹鲜甜，龙虾汁浓稠，味道亦好浓郁，量唔会太多既同时，面条挂汁力好高，不过太腻太咸。面条偏淋身，唔系我喜好，不过整体都几好味。 价钱虽然小贵，但系服务好好，食物有质素，又坐得舒适，以观塘区黎讲已经十分不错。