美中·鴨子 (已結業)

话说有朋友返黎，所以带左佢地食中餐。听讲美心集团旗下有间中菜馆出名食鸭，就一于带佢地试下。1. 马兰头百页素千卷呢度菜几fresh，不过食一两块就会觉得够喉。建议可以点其他更开胃既前菜。当然如果你本身钟意食菜呢个就系你既perfect match！2. 鸡丝粉皮配料都足够，食落感觉不错。3. 小笼包食中菜点少得小笼包！呢个菜式唔差，汤汁都算惹味。如果想专食小笼包，大家可以参考我另外一篇食评 ：）4. 上海云吞鸭汤好足料！三个人食每人起码分到四碗。云吞大大粒，鸭肉吸晒汤汁精华，咬落去真系回味无穷！横掂都黎到一场，不妨试下呢个招牌菜式！5. 烤北京填鸭主角出场！店员即叫即制，因此等候时间较长。透过玻璃窗，大家可以看到准备烤鸭的过程。皮脆肉嫩的鸭子配上特制酱汁、爽脆青瓜...食完一块又一块。少人一齐食既话...建议点半只：咁样咪可以试多啲其他菜式咯。6. 杨枝甘露雪糕好味，但份量太少。7. 桂花拉糕清甜美味，为一顿精采盛宴划上完美句号！