蒙麵

营业中

休息中

呢间车仔面喺红磡好出名，每次经过都会见有好长嘅人龙排队堂食/外卖。传闻呢间铺𠮶老板好串，但实情系老细对食物好执着，佢会坚持做好每一碗面，亲自下厨，确保食物质素，我觉得食物质素比服务重要。况且，佢所谓嘅串只系门口写d 串串贡既野，佢主要时间系厨房煮嘢，其实无乜机会接触到，而侍应态度好正常。讲返食物，车仔面来讲，我好少食，因为觉得啲嘢味道捞埋，唔会有乜特别。今次食完有啲改观，觉得车仔面，每样𩠌有自己嘅味道都几特别。我叫咗三个𩠌，分别系鱼饼、猪手同埋辣味鱿鱼，配油面。另加花甲、叉烧。以上食物最推介系猪手，非常入味，南乳味超重。鱼饼系泰式𠮶款，有啲辣，我觉得冇乜特别。辣味鱿鱼就好爽口，但系唔系好入味，表面有啲辣。花甲都算多，好清甜，唔觉有沙。佢好贴心咁比左只碗装壳。而叉烧就烧得好香，肉质有咬口，可以接受，毕竟只是$32一大串。