森．湯咖哩 (已結業)

今晚入到去餐厅都仲有4、5张4人吉枱，我同老公2个冇book枱，被带到2人枱，我地冇问题之后我哋每人叫咗1个餐，8串串烧，2份小食，2杯野饮，眼见张枱就黎满晒，问左一可唔可以转张4人枱，侍应冇答我，之后再有2枱客都系冇book行入黎坐左4人枱，咁啱我地d小食到左但完全冇位放，咁我就再问多次再唔可以转大枱，点知个侍应竟然同我讲将手上碟倒落我其他碟咪得啰，真系O哂嘴，我忍唔住同佢讲咁隔离枱都走左啦，你即刻清左泊埋俾我哋咪得啰，点知佢清完枱就走左去，嬲到我秒速食完即走！好老实，嘢食系唔差，但咁嘅态度俾钱我都唔会再食！