影片
更多
2023-02-27
10 浏览
本身都好钟意食饺子，永远都觉得传统味道嘅饺子系最好味，但系见到一啲特别嘅味道推出，都会想买啲嚟试吓，但系又唔想买咁多，最正系包饺掂可以俾我几只几只买，咁我就可以一次过试几款唔同嘅味道。佢哋出名系手工饺子云吞，见到佢标榜100%每日新鲜猪肉，每日新鲜即包，见到师傅喺店舖里面即包即卖。雪柜饺子超过十款，有传统又有创新，味道配搭新颖，都唔知买边款好。老板细心包装帮我将啲味道分开，仲教我点样煮系最好，大滚水落饺，转中火煮7分钟，满足。新口味#沙嗲金菇鲜肉饺 $52/磅系新口味所以试吓，系甜甜辣辣𠮶只沙嗲味，金菇配猪肉多咗份咬口。#芝士鲜肉饺 $52/磅都几大粒芝士，芝士味香，溶溶哋嘅效果，唔沾酱料最好，有啲似食意大利云吞。#泡菜猪肉饺 $52/磅即系传统猪肉配白菜嘅变奏版，用上韩式泡菜，成只饺子橙色好靓，酸酸哋加辛辣味，好开胃，满满韩式风味。#菜脯紫菜鲜肉 $52/磅菜脯同紫菜本身都有独特嘅味道，捞埋鲜肉包饺子，两种味道都好突出，唔会抢咗大家味道之余又出奇地夹，菜脯更增添爽口感。传统口味#白菜猪肉饺 $46/磅白菜切得好碎，与猪肉搅拌得结实，白菜配猪肉系最传统嘅配搭。#韭菜鲜肉饺 $46/磅韭
佢哋出名系手工饺子云吞，见到佢标榜100%每日新鲜猪肉，每日新鲜即包，见到师傅喺店舖里面即包即卖。雪柜饺子超过十款，有传统又有创新，味道配搭新颖，都唔知买边款好。
老板细心包装帮我将啲味道分开，仲教我点样煮系最好，大滚水落饺，转中火煮7分钟，满足。
新口味#沙嗲金菇鲜肉饺 $52/磅
系新口味所以试吓，系甜甜辣辣𠮶只沙嗲味，金菇配猪肉多咗份咬口。
#芝士鲜肉饺 $52/磅都几大粒芝士，芝士味香，溶溶哋嘅效果，唔沾酱料最好，有啲似食意大利云吞。
#泡菜猪肉饺 $52/磅
即系传统猪肉配白菜嘅变奏版，用上韩式泡菜，成只饺子橙色好靓，酸酸哋加辛辣味，好开胃，满满韩式风味。
#菜脯紫菜鲜肉 $52/磅
菜脯同紫菜本身都有独特嘅味道，捞埋鲜肉包饺子，两种味道都好突出，唔会抢咗大家味道之余又出奇地夹，菜脯更增添爽口感。
传统口味#白菜猪肉饺 $46/磅
白菜切得好碎，与猪肉搅拌得结实，白菜配猪肉系最传统嘅配搭。
#韭菜鲜肉饺 $46/磅
韭菜猪肉水饺，号称喺饺子界最受欢迎嘅配搭，只只胀卜卜皮薄馅大，最钟意呢个经典嘅味道。
#西洋菜鲜肉饺 $46/磅
一口咬落去，西洋菜独特味道好香，而且切得好细碎，完全融入馅料。
#广东鲜虾云吞 $48/打
原只鲜虾加新鲜猪肉，馅料饱满，鲜味。
#包饺掂地址：元朗又新街38号恒富大厦地下6B号舖
张贴
