壽司正 (已結業)

星期一我哋表姊妹行街行到九点几先食饭，原本表妹谂住平食金马伦道半价寿司，但条人龙长到入后巷，而且我之前有差d俾旧饭哽死的阴影，所以都系放弃。差d饿死街头之际，发现百乐酒店隔离间寿司正都做紧优惠，又唔驶等咁耐，咪姑且试下啰。骤眼望落好似几贵，但都叫咗好多嘢食：三昧鲑鱼、鲑鱼子军舰、近海海胆(正！)、甜虾、天妇罗虾、吞拿鱼赤身、珍珠蚝军舰....等卖相工整有光泽，证明系即叫即做，唔会好似其他咁攞回转带上面o个d俾你。鲑鱼油脂分怖平均，三种口味可以分得清楚；近海海胆系佢哋先有，一定要试；虾好爽，唔会霉晒唔新鲜；可能刚刚该日到货，珍珠蚝好鲜甜，连我本身唔食蚝都爱上咗佢。寿司以传统款式居多，没有太多新潮口味，相信是希望以质素作卖点。埋单时出乎意料，只系食咗二百四十几蚊，原来九点半后入座的人客于埋单时食满三百蚊有得即刻减九十蚊。想食好味寿司原来唔一定要排几个钟o架！