影片
更多
2023-10-31
52 浏览
诺贝尔烹饪奖得主曾经讲过，人系有两个胃嘅。一个用黎装正餐，一个用来装甜品。但系理论系可以推返既。所以今日我就嚟试下，用两个胃都装哂甜品。 🍖 先来个芒果大合奏涉下牙隙。芒果布甸，芒果雪糕，新鲜芒果，芒果干，芒果汁，由柔到硬，由液态到啫喱到固态，由新鲜到风干，同一食材，同一个碟内，百感交陈。互相辉映。 🍖杨枝甘露冰，唔怕重复，最怕芒果唔够多，刨冰加芒果本来就系一绝，宜家喺各层又加入忌廉，芒果脆脆，椰汁，热情果冻，仲有条芒果雪条添。呢边嘅口感，又同芒果大合奏完全唔同，芒果真系甜品界入边不可或缺嘅重要一员。 🍖甄沾记心太软，全晚最好食，切开个外皮，见住里边啲椰子酱，慢慢流出黎，唔系一野流泻出黎，唔系只流一啲啲出来，系真系慢慢流，keep住流，细水长流个种流。证明佢做得够杰身，温度又拿捏得非常好。蛋糕，酱汁，同碟面嘅脆脆，再加埋侧边嘅椰子雪糕，全部一齐食，超夹超有口感。个种香甜味可以保留喺口中好耐。 🍖豆腐花豆浆芋圆，材料多到不得之了，芋圆有台湾风味，非常Q弹，土炮既豆腐花同豆浆做底，又出奇地夹。 🍖食左咁多冻野，最后补番滋润嘅蛋白杏仁茶，热辣辣超有杏仁味，认出来只系白色一碗野，饮落肚就发觉秋
🍖 先来个芒果大合奏涉下牙隙。芒果布甸，芒果雪糕，新鲜芒果，芒果干，芒果汁，由柔到硬，由液态到啫喱到固态，由新鲜到风干，同一食材，同一个碟内，百感交陈。互相辉映。
🍖杨枝甘露冰，唔怕重复，最怕芒果唔够多，刨冰加芒果本来就系一绝，宜家喺各层又加入忌廉，芒果脆脆，椰汁，热情果冻，仲有条芒果雪条添。呢边嘅口感，又同芒果大合奏完全唔同，芒果真系甜品界入边不可或缺嘅重要一员。
🍖甄沾记心太软，全晚最好食，切开个外皮，见住里边啲椰子酱，慢慢流出黎，唔系一野流泻出黎，唔系只流一啲啲出来，系真系慢慢流，keep住流，细水长流个种流。证明佢做得够杰身，温度又拿捏得非常好。蛋糕，酱汁，同碟面嘅脆脆，再加埋侧边嘅椰子雪糕，全部一齐食，超夹超有口感。个种香甜味可以保留喺口中好耐。
🍖豆腐花豆浆芋圆，材料多到不得之了，芋圆有台湾风味，非常Q弹，土炮既豆腐花同豆浆做底，又出奇地夹。
🍖食左咁多冻野，最后补番滋润嘅蛋白杏仁茶，热辣辣超有杏仁味，认出来只系白色一碗野，饮落肚就发觉秋天到左啦。
以上理论同实践纯属个人做法，无胃(口)人未必会感受到，但系无论点都好，咁多甜品，真系食到一滴不留。不过如果大家都系甜品爱好者，记住做番多d运动补数呀！
张贴
