影片
更多
2011-01-02
120 浏览
是夜与家人到铜锣湾吃晚饭，原先是去时代广场揾食的，但可惜人太多，而且我们又没有订位，所以最后唯有转到此店用膳。一打开个类似folder嘅餐牌，哗... 入面劲多纸，真系有排睇。有位女店员介绍我地叫餐食，可惜果啲餐所包括嘅食物，都系家人们不吃的，所以最后都系选择『散叫』。谂好食乜之后，有一男店员经过，叫佢帮我地落单，但我地想食嘅海胆蒸豆腐卖哂。之后果位男店员就介绍其他嘢俾我地。但果位男店员嘅所谓『介绍』只是照餐单读出菜名同埋强调系得奖菜而已，根本与介绍拉不上关系。例如该男店员介绍我地食此店嘅得奖菜『金丝三味豆腐』，佢净系话三种唔同整法。之后我忍唔住出声话佢︰照字面睇，我都知系三种唔同整法，但你系咪都要话我知边三种整法呀？系热盘定冷盘呀？乜都唔知你叫我点叫呀？当然最后佢都有答到我。但系我真系觉得果位店员好唔专业啰，佢又唔系新嚟唔知道，但就懒得慢慢介绍！最后我地选择咗︰ 金丝三味豆腐︰侧面两款豆腐，一是用花生酱整的，而另外的是卤水整的。两款整法都几好食。但中间用蚝油整法的就一啲都唔好食。啲蚝油好咸，而且皮蛋+蚝油，好怪啰！另外两样 --- 腐皮都几好，青瓜都唔错，可惜隔离果啲黄豆就淡而无味，
一打开个类似folder嘅餐牌，哗... 入面劲多纸，真系有排睇。
有位女店员介绍我地叫餐食，可惜果啲餐所包括嘅食物，都系家人们不吃的，所以最后都系选择『散叫』。
谂好食乜之后，有一男店员经过，叫佢帮我地落单，但我地想食嘅海胆蒸豆腐卖哂。
之后果位男店员就介绍其他嘢俾我地。但果位男店员嘅所谓『介绍』只是照餐单读出菜名同埋强调系得奖菜而已，根本与介绍拉不上关系。
例如该男店员介绍我地食此店嘅得奖菜『金丝三味豆腐』，佢净系话三种唔同整法。之后我忍唔住出声话佢︰照字面睇，我都知系三种唔同整法，但你系咪都要话我知边三种整法呀？系热盘定冷盘呀？乜都唔知你叫我点叫呀？当然最后佢都有答到我。但系我真系觉得果位店员好唔专业啰，佢又唔系新嚟唔知道，但就懒得慢慢介绍！
最后我地选择咗︰
金丝三味豆腐︰侧面两款豆腐，一是用花生酱整的，而另外的是卤水整的。两款整法都几好食。但中间用蚝油整法的就一啲都唔好食。啲蚝油好咸，而且皮蛋+蚝油，好怪啰！另外两样 --- 腐皮都几好，青瓜都唔错，可惜隔离果啲黄豆就淡而无味，劲难食！
腊味炒芥兰︰分量少，而且啲腊肉就超咸。唔连饭同吃，根本舌唔落。
大斑两味 --- 包括︰
榨菜肉丝蒸斑头腩︰榨菜&肉丝都唔多觉眼佢地嘅存在。但呢道菜都okay嘅。斑头腩都几多肉。
西兰花炒海斑球︰唔错！食得出啲斑球系新鲜。
最后系送嘅糖水 --- 红豆沙︰普普通通。
张贴
