八座小食 (已易手) 新餐厅

新开张时喺度买过碗大牛杂,叫阿姐唔好俾咁多萝卜,佢话萝卜系送嘅,唔计钱;我叫佢俾两件我就够,点知坐低食时发现一件都冇;讲返味道...话系以前牛下货色,但食落完全系两回事,冇下次(牛杂)。今晚去买外卖,试佢个韮菜猪红猪肠,哥仔话唔够韮菜沟啲生菜俾我,ok np,我最想食都系猪肠啫,见佢俾咗好多猪红,但因为等佢整嘅时候我视线离开过,所以都不以为意,直到食嘅时候就知唔妥,面头系猪红,中间系猪红,底下系几条仔韮菜同几条生菜,"我啲猪肠去咗边呀?"WTX,搅乜呀?整体味道偏淡,$25一碗咁嘅生菜猪红,佢真系赚到笑,下次都系行多几步返利基𠮶边买好过。