妹記大排檔 (已搬遷) 新店位置

久闻妹记室内大牌档盛名，尊程试试，呢度规矩要人齐才安排入坐，靓女老板娘喺门口做知客把关，我哋人齐唔使等就入咗去。睇紧餐牌，已有个阿姐好有耐性standby等落单，而且态度好好，我点咗脆皮炸猪手，鬼马油炸鬼，酥炸筒蚝，呢度效率好快，话咁快菜全部上齐。鬼马油炸鬼几特别，墨鱼滑酿油炸鬼，不愧为招牌菜，可惜墨鱼滑貎似落粉太多，食落实的的咁，唔够爽口弹牙；脆皮炸猪手，皮炸得好脆，肉好滑，唔太咸，好正﹗只猪手好大碟，结果食唔晒，要打包；酥炸筒蚝一碟五只，我食咗一只，味道好鲜，好creamy；食食吓至发觉碟碟都系炸嘢，后加咗碟虾干猪润浸时蔬，虾干好靓，猪润好「鞋」，兼且带有血水嘅腥味，no good。整体而言，呢餐总算不过不失，但冇惊喜，同埋冇我预期嘅大牌档镬气。