萬發海鮮火鍋菜館

营业中

休息中

突然想食大排档但又唔想坐室外（因为天气仲好热🙊），所以拣左呢间有冷气嘅室内'大排档'。听讲佢晚市好旺，有时都会等位，所以友人预先book定位！约7:30去到，见到入面几乎full晒，好旺场。餐厅其实算大，旧色酒楼咁嘅格局，大排档咁嘅气氛。因为之前做左research有咩好食，所以好快可以落单啦！上菜算快，等左唔够15分钟。1.万发石头饭 炒饭粒粒分明，好足料，仲有最爱嘅饭焦👼.2.流沙黄金鲜鱿好香口，好多咸蛋黄，好邪恶呀😍 如果炸得脆啲就perfect 啦！3.薯仔牛柳粒有镬气，薯仔粒炸得好正！牛柳粒就失色少少，太淋无咩咬口，又过咸⋯4.烧鸡鸡皮烧得香脆，皮薄，少脂肪。可惜肉不够嫩，有少少'鞋'，仲无咩鸡味⋯⋯5.石锅芥兰捞个时喷晒烟，芥兰好爽，加左少少辣椒，好惹味！小炒有获气，但咸左少少，味精应该落唔少。不过胜在环境舒适，有冷气。