金牌海鮮火鍋 (已結業)

呢间系香港都开左好几年，口碑一向唔差，最近佐敦分店终于开，夜晚经过就紧系要黎试吓啦！金牌牛骨锅($188)，系呢间出名嘅汤底，个汤一黎到见到嘅唔单单系一个普通嘅汤底，而系一个由超多料同好浓郁嘅汤底。与其话佢系一个牛骨锅，更加觉得系一个牛杂锅！因为佢入边除左有牛骨之外仲有牛杂，食旧萝卜已经可以知道个汤底有几咁浓郁，钟意食牛嘅可以试吓。本地手切牛肉($268小；$328大)，价钱睇落就唔太平，但系上枱个份量又唔少㖞，而且食落去都算配得上呢个价钱，试左都觉得个牛肉系应该渌到唔太熟带少少生咁样系最好食嘅，食落去可以感觉到佢个油脂分布好平均，而且系好淋！枱面仲有一个好似系「美极鲜酱」嘅汁可以点，点完食更鲜味。鲜炸响铃($58)，呢个响铃系一定要试，因为佢系即叫即炸！将腐竹摆落油镬度炸同时快手卷好，就整好热辣辣既响铃！「1、2、3」，放落汤底三秒就食得架啦，吸哂汤底嘅精华之余仲食到小小鲜炸嘅味道，好味！自家制四宝丸($108)，呢个四宝丸分别系牛肉、猪肉、鲮鱼同埋虾！呢个四宝丸食得出系手打嘅但系当中最出色嘅就系猪肉丸，同出边食嘅好唔同！自家制潮州鱼蛋($88)，呢个鱼蛋系新鲜剁嘅鱼然后搅拌再打起而