Pizza Maru (朗豪坊)

营业中

休息中

之前食开尖沙咀𠮶间，行过朗豪坊，见到新嘅分店，即刻同屋企人入去食。👍🏻薯角炭烧烤鸡芝加哥薄饼芝加哥薄饼系佢嘅招牌，批边加咗杏仁，食落带微甜。轻轻一切，拎起，就能够做到拉丝效果，忌廉芝士软心批边食落特别松软，口感烟烟韧韧，烤鸡酱汁颇㶶，加入左蕃茄嘅酸甜，亦系不错嘅配搭。👍🏻泡菜海湾芝加哥薄饼口感唔再花笔墨去形容，小编特别欣赏佢嘅蛋黄同千岛酱汁，混合得特别惹味，加配大小爱吃既蟹棒同鲜虾，爽甜既洋葱，点缀左整个薄饼。👍🏻半半炸鸡(蜂蜜牛油、蒜香甜辣)半份炸鸡有六件，共12件。油分唔多，外皮薄脆，面头更加洒上左好多嘅蜜糖芝士粉。蒜香甜辣更加滋味，辣度唔高，不过中间略有一啲鸡胸会较鞋身同干身。👍🏻带子泡菜卡邦尼上碟摆得好完整，带子唔算大只但系都几爽甜，虽然冇明显见到泡菜，但食落却有泡菜独有嘅味道，捞上意粉creamy中带点微辣，加入洋葱嘅爽脆，绝对系味蕾嘅冲击。👍🏻Maru紫酥炸鱿鱼圈鱿鱼圈里面加咗紫酥叶，食落更加香脆， 鱿鱼圈圆辘辘，炸粉唔会好多，点上洋葱酱亦都可以解一解油腻，一客仲有10件咁多。👍🏻饮品酸酸甜甜嘅橙汁同餐后用嚟解腻既黑米茶即刻为自己嘅胃子消一消滞。