重慶洪鼎火鍋 (已結業)

一坐底就叫个双拼鸳鸯锅先，我地拣左小辣嘅麻辣锅拼养颜木耳鸡汤。出去拎完酱油个锅就到，好钟意个方型锅，十足十喺大陆打边炉咁。麻辣𠮶边闻落好香，见到咁红唔敢试，听友人说都几辣下。而鸡汤𠮶边就正常味，入面仲揾到只大鸡脾。个盛肉拼盘好精美！啲肉望落好新鲜，食落都无令人失望。有齐牛，猪同羊，质素都唔差。仲叫左呢个五色火锅小笼包，一层层咁好奢华，有埋timer可以计时，不过味道始终唔及蒸嘅小笼包，但叫黎试下都无妨。另外必叫嘅仲有呢个邪恶午餐肉，炸得好香，每块都好厚，就咁食同放汤都超正！食重庆火锅顺便就食埋个重庆小面，味道偏咸，但都可以一试。呢个黑松露水饺同牛丸都好味，都似系手工自制，好新鲜，牛丸都好弹牙！