Smokey Ice (已結業)

白布街呢头一向都多甜品铺, 有时行完旺角去旺角东搭车前, 都会帮衬一下。呢日见到新开既Smokey Ice, 惊喜在用「猪扒」「牛扒」做甜品, 似系几年前元朗果间铺! 有创意, 价钱唔算太贵(而家甜品差唔多价起标啦), 于是就入左去试。 肉质...即系云呢拿雪糕, 夹埋食落仲脆既炸猪扒皮。猪扒皮感觉吸得太多油, 有少少油溢味。食落就唔似猪排, 不过卖相一流, 一定可以呃LIKE。「肠粉+豆腐雪糕+炸蕃薯糯米糍+菠萝」的组合。肠粉有少少椰子味, 不过唔够浓, 唔知点解加个朱古力酱有少少怪....炸蕃薯糯米糍几好味。不过重点系豆腐雪糕...有甜甜既豆腐味, 唔错。