老爺冰室 (已結業)

黎到老爷冰厅，见到餐牌设计同茶式都好有创意。知道佢既黑松露炒蛋多士系招牌，但因为太饿所以嗌左饭。肉躁配芥末猪扒饭: 肉躁够味又唔会太咸，岩岩好可以捞哂成个饭。菇同肉碎都几大粒有咬口。猪扒煎得好香，淋左芥末系上面。自己唔太中意芥末因为实在太拱鼻，仲会盖过哂猪扒既味道。猪扒虽然几厚身，但一啲都唔韧，有少少油令佢更香口。因为系午餐仲会送碗老火汤。老火汤味道好好饮，仲有啲瘦肉食，饮完之后觉得喉咙好舒服。对呢个午餐非常满意，唔贵又好味，最好系有汤饮。下次黎会再试试佢既多士。