影片
更多
2016-09-21
143 浏览
新餐厅梗系多人试，最近有间放题店，同时被2间media报导，一篇就赞，另一篇就话中伏，呢啲情况好少见。我一向都试惯新嘢，今次就约个朋友去试下啦！不过，报导话有个「九大行星」嘅寿司拼盘要提早预订，咁犀利，我梗系唔错过喇，订位时就讲埋喇。去到餐厅，差唔多到６点啦～时间尚早，人不多。我哋食６点，可以食２个钟。同其他食放题嘅地方比，呢度空间感大好多，环境够阔落！呢个系第一个感觉，唔错，起码坐都坐得舒服啲。我哋靠窗坐，睇到街景。 呢度真系好多嘢食，你睇，连点单纸都有19张。呢度只有18张，因为第19张系拣咗升级料理之后，店员再另外拎嚟。 终于齐！ 除咗落单纸上面嘅嘢食，饮品同雪糕都系自己出去拎。 雀巢雪糕相比其他放题店又似乎弱咗啲。但我喺点单纸上又见到有雪糕，唔知有咩分别？ 可能熟食制作需时，第一个嚟嘅系鱼生拼盘！影够之后，就拿拿声食。 啲虾都几大只，味道鲜甜。 原来，拼盘后面收埋啲蟹，真系好surprised！ 其他鱼生唔逐样讲喇，太多款式喇！整体感觉都几好，最紧要系食咗无肚痛，安全度过。你知啦，夏天食鱼生就最惊变坏，搞到肚痛，味道都系其次。 个WASABI好搞笑，圆咕碌
去到餐厅，差唔多到６点啦～时间尚早，人不多。我哋食６点，可以食２个钟。同其他食放题嘅地方比，呢度空间感大好多，环境够阔落！呢个系第一个感觉，唔错，起码坐都坐得舒服啲。我哋靠窗坐，睇到街景。
呢度真系好多嘢食，你睇，连点单纸都有19张。呢度只有18张，因为第19张系拣咗升级料理之后，店员再另外拎嚟。
终于齐！
除咗落单纸上面嘅嘢食，饮品同雪糕都系自己出去拎。
雀巢雪糕相比其他放题店又似乎弱咗啲。但我喺点单纸上又见到有雪糕，唔知有咩分别？
可能熟食制作需时，第一个嚟嘅系鱼生拼盘！影够之后，就拿拿声食。
啲虾都几大只，味道鲜甜。
原来，拼盘后面收埋啲蟹，真系好surprised！
其他鱼生唔逐样讲喇，太多款式喇！整体感觉都几好，最紧要系食咗无肚痛，安全度过。你知啦，夏天食鱼生就最惊变坏，搞到肚痛，味道都系其次。
个WASABI好搞笑，圆咕碌咁，唔通系自己磨？呢度主打日韩放题，应该系熟食先系推介，都系将焦点放返喺呢方面。
南瓜海鲜汤几好味，南瓜味几出，里都又真系有海鲜，不过我睇唔出系乜。=P寿司中规中矩，鳗鱼寿司一向系我至爱。
我哋叫咗劲多熟食，有牛仔骨、蒜香牛柳粒、肥牛卷、烟肉荔枝卷、芝士年糕、炸豆腐、饺子、牛舌、豚肉串、薄烧牛肉、免治鸡肉串、蕃薯仔、鸡翼、炸虾天妇罗、盐烧虎虾、日本鱿鱼仔、牛油烧粟米、带子牛油烧、冻乌冬……仲有一啲食咗无影相XDD
呢个芝士拉鸡应该吸引唔少人叫，铁板上，睇落又真系几好味咁。店员走之前，提醒我哋「趁热食」。不过我哋好滋味咁食紧啲串烧，谂住等佢冻少少先食。
终于食芝士鸡喇！可能等得太耐喇，啲芝士已经痴实个板，拉唔到上嚟……个感觉就好似香口胶咁，男朋友睇住我用尽九牛二虎之力咁拉，系咁喺度笑我！！就系咁，呢碟芝士拉鸡就咁被我哋遗弃咗，成为全晚嘅污点！
仲未见我开头讲嘅九大行星寿司？宜家就出场喇。哗，嚟到真系「哗」咗一声！无谂过，喺放题店都食到呢啲咁特别、咁有心思嘅食物！每一个寿司（咁大个，应该叫「饭团」）都唔同款，唔同口味，相似嘅地方就应该系每件都好圆碌碌，好似个乒乓波咁，好搞笑。
每款嘅饭同配料都唔一样，有啲饭团就混合咗蟹籽或者香料或菜……中间包嘅嘢都系唔同。不过每个都唔少份量，一个食2、3粒都已经好饱～我谂都系要有4人或以上先至好挑战呢个九大行星！之后仲被我发现，原来唔只９粒，仲有一个遗留喺一角，即系「领队」太阳（用三文鱼包住啲蟹籽、甜虾同埋拖罗蓉等）！（笑）
店员见到我开始食蟹，就醒目咁畀咗把剪刀我哋，真系体贴。
最后就系食甜品，试咗泡芙同雪糕。原来呢度啲雪糕系一球球咁包装，嚟到嘅时候劲冻！白色系豆腐味，啡色系朱古力味，味道几好，唔会好甜。不过要花少少时间同畀啲耐性，等佢溶，变软。
泡芙中间有馅，有忌廉同朱古力馅2款，我哋拣咗朱古力味。仲试咗brownie，不过唔记得影，朱古力味几浓，中间软软哋，有啲似食心太软。
虽然我哋食咗咁多，但MENU上仲有好多嘢我哋都试，好似韩食——泡菜三文鱼头锅、牛肉锅、部队锅、泡菜海鲜豆腐锅、冷面、泡菜牛肉石锅饭同铁板芝士年糕……仲有拉面同汤乌冬……好多嘢仲试唔到，个胃容量实在太有限了！不过，我哋点咗咁多嘢食，竟然无漏嘢，真系要赞下厨房同侍应嘅合作！串烧同炸物款式多，份量足，味道都啱，唯独系我食个条鱿鱼仔咸咗，因为男朋友话佢个只唔咸。啲人话个芝士鸡麻麻，我都同意呢个菜式系令人有啲失望，鬼叫自己冻咗先食咩。XDD谂起都觉得自己好好笑
畀个价钱表大家参考下～～～我系星期六夜晚入座的～～
题外话/补充资料：
$198（升级料理＋$50），加一，视乎入座时间
(以上食记乃用户个人意见 , 并不代表OpenRice之观点。)
张贴
