屯の大阪章魚燒

营业中

休息中

假日去了葵广行下扫街，友人话有间章鱼烧好想试下，去到觉得个名好眼熟，原来系屯の大阪章鱼烧!系屯门好出名(可惜屯门对我来讲太远无缘一试就执左)，而重开呢间系由两位年青熟客接手开嘅，同睇电视见歌手郑欣宜都帮衬过~一于试下先!多款口味的章鱼烧，十分有创意，每款都好想试，拣左和风蜜糖芥末及松叶蟹皇蟹膏。除了章鱼烧，仲有其他小食。即叫即制，比钱后等10-15分钟到先有，呢个moment周围行下或买野饮先。和风蜜糖芥末，$30，一盒有6粒，热腾腾大大粒，酱料分量十足，大量木鱼及海苔粉，因系即整真系好热食果阵小心焫嘴，口感外酥内软嫩，章鱼粒弹牙，蜜糖芥末好惹味。松叶蟹皇蟹膏，$34，大量的蟹膏酱，味道鲜味浓郁，口感丰富，唔会好怪，仲要几好味。份量十足的章鱼烧，下次有机试埋其他味。