影片
更多
2007-11-25
13 浏览
** 此食肆的第廿六个笑**寻日(24-11-2007 Sat)游完大澳归家途中,5:44pm到东涌,爸好似好开心(可能今日佢可以破晒戒食啲佢要戒口o既o野食)就顺住个势提议返荃湾食晚饭,我觉得荃湾好似冇咩好食,于是提议去青衣城揾o野食,就搭地铁去lu.约6点多啲到青衣城,睇吓有咩食肆先,爸拣o左稻香,啊.我o地等o左一阵就有枱,爸好迟至话打边炉,于是叫侍应搅搅佢,原来唔驶转枱,只系拉走张枱布就见到个同张枱连成一体o既电磁炉,真方便.大嫂眼阔肚窄地order o左好多o野食,一个$188.00唔记得叫咩日日鲜,有好多海鲜,有红鱼(几甜),原只带子,八爪鱼片,鱼型及日本鱼蛋片(算爽),鲜虾,长脚蟹脚等等….另有珊瑚蚌,象拔蚌,脆肉鲩鱼片(好脆),肥牛(其实唔算好肥,但可以啦),鱼饺,创意o既有:金银蛋西洋菜饺(食唔到西洋菜味),两种墨鱼丸,一种芝士墨鱼丸,一种wasabi墨鱼丸(两种都几香,丸又弹牙),虾丸,内有虾膏蟹子同马蹄粒,唔错.原来每碟份量唔少,食到我o地要打包啲丸同饺返屋企.酸梅汤唔够甜.调味料方面,佢会拎8种调味料畀客人自己加到豉油内,有:蒜茸,金蒜茸,葱花,碎花生,青红辣椒
寻日(24-11-2007 Sat)游完大澳归家途中,5:44pm到东涌,爸好似好开心(可能今日佢可以破晒戒食啲佢要戒口o既o野食)就顺住个势提议返荃湾食晚饭,我觉得荃湾好似冇咩好食,于是提议去青衣城揾o野食,就搭地铁去lu.
约6点多啲到青衣城,睇吓有咩食肆先,爸拣o左稻香,啊.
我o地等o左一阵就有枱,爸好迟至话打边炉,于是叫侍应搅搅佢,原来唔驶转枱,只系拉走张枱布就见到个同张枱连成一体o既电磁炉,真方便.
大嫂眼阔肚窄地order o左好多o野食,一个$188.00唔记得叫咩日日鲜,有好多海鲜,有红鱼(几甜),原只带子,八爪鱼片,鱼型及日本鱼蛋片(算爽),鲜虾,长脚蟹脚等等….
另有珊瑚蚌,象拔蚌,脆肉鲩鱼片(好脆),肥牛(其实唔算好肥,但可以啦),鱼饺,
创意o既有:
金银蛋西洋菜饺(食唔到西洋菜味),两种墨鱼丸,一种芝士墨鱼丸,一种wasabi墨鱼丸(两种都几香,丸又弹牙),虾丸,内有虾膏蟹子同马蹄粒,唔错.
原来每碟份量唔少,食到我o地要打包啲丸同饺返屋企.
酸梅汤唔够甜.
调味料方面,佢会拎8种调味料畀客人自己加到豉油内,有:蒜茸,金蒜茸,葱花,碎花生,青红辣椒粒,姜粒同沙茶酱.正啊!
服务:
一到繁忙时间个个就忙到踢晒脚,但我o地唔好彩,撞o岩个失忆o既waitress,又慢又要成日提多次.
而我o地有叫$48.00 o既绿X一篮子(新鲜蔬菜)由头到尾都冇o黎过,于是叫佢cancel,都要我o地叫o左两次佢至去check,话冇入电脑,所以唔会计,于是我o地寻日个个就变晒食肉兽.
环境,卫生:
好干净同舒服.
唔计侍应o既失忆服务,可以畀个笑.
埋单:$705.00
张贴