家香 (已結業)

之前系INS体到好多呢间餐厅食物既相已经好吸引，今日终于可以来食下午茶。下午茶都几抵，48可以包饮品。我地两个人点左一份奶黄心太软同千层西多士，饮料加5蚊转左红豆冰同杏仁霜。等左大概15分钟啦。先上千层西多士，其实都几细个，个西多士有成8层，每层都有榛子酱花生酱，真系好邪恶，我觉得够晒甜唔使沾其他野，虽然有提供牛油，蜂蜜同朱古力酱，两个人食都觉得有D滞。之后就系奶黄心太软，原来上来既时候已经切开左。同平时食葛心太软唔多一样，呢度既系好似蛋糕体咁样，比较湿润既，都几特别。而奶黄馅都好香，唔会好甜，感觉都之前好Hit既美心流心奶黄月饼味道都几似。而饮品方面，红豆冰真系好多红豆，甜度适中。杏仁霜都好香，好滑。好在D饮品都唔会好甜。