Cafe Fresca (已結業)

朋友响OU返工，夜晚约左佢去何文田广场食dinner，平生好少嚟呢区，朋友介绍三楼 Café Fresca，半自助餐厅，又有D似卖酒，又会卖糖果＆朱古力，算几多元化嘅Café ；松草花忌廉鸡蓉汤，碗汤囗感好特别， 有点点似baby food，打蓉鸡肉与炒过嘅松草花一齐煮，加上大量橄榄油，未试过的话个人觉得值得一试；慢煮意大利乳猪配袐制烧烤酱藜麦沙律，份量唔细，够饱肚，成日以为乳猪就系脆口，原来乳猪系可以几厚肉，慢煮后淋得嚟有咬口，底部嘅三色藜麦沙律系热，食到花椒油味，整体带出新鲜感觉；为庆祝 Fresca 开业一周年，个人消费满$100，可免费获赠红酒🍷 或白酒 🥂一杯，唔好评论品质，开心气氛已足够🎉🎉👏🏼