焱燒串燒專門店 (已結業)

虽然平时钟意食日本野多，但港式野都有佢既魅力，间唔时都想食下街坊野，今晚揾到间好坐既串烧店。烧蛏子非常出色，大爱蒜蓉唔洗本咁铺满哂成条蛏子，香口到爆。 最重要当然系蛏子本身够哂大只厚肉，劲鲜甜，60蚊一只我觉得物有所值。开边虎虾真系够大只，食得出系新鲜系街市买返黎开边。原条蒜香茄子可以话系性价比之王，大大条食极都仲有。 钟意茄子烧得熟透好腍滑，虽然调味睇落好深色咁，但食落唔会太咸，食到食材原味。清酒蒜蓉焗蚬份量好多，蚬肉系弹牙鲜甜既，但个人觉得再大只d减份量会更好。鸡泡鱼干几有惊喜，烧得好香唔会干柴，仲食到水润既鱼肉质地，仲有两块咁多，抵食。另外比较深印象仲有麻辣五花腩同焱烧自家制叉烧串，前者够甘香有肉汁，后者自家调味劲惹味，有冲动即时encore多串。