團日式拉麵

营业中

休息中

一间餐厅，能够揾到卓头或者创造一款招牌菜实在不容易，我搬左黎荃湾成年，系不同平台就听得多，但系试就未试过啦。今日刚刚好门口有表位泊到车，咁啱又系揾野食，好啦，就试下啦！餐厅门口以一部拉面贩卖机，见到有位坐之后就自己落单，我地就点左一个黑蒜油拉面同埋鱼介拉面，试野就当然系试多几款啦，一个选曲面，一个选直面。入到去啦，厨房系以开放式设计，抽风极差，入到去就感觉到好大味，不过调转角度黎讲，咁样就重可以增加食欲啦！首先鱼介拉面，鱼味非常浓郁，配料是冻的，非常欣赏佢的笋同溏心蛋，溏心蛋系有下苦工的，绝对合格，半熟的美味口感，令人难以忘怀，面的口感也非常好，弹牙，而且有面香味，推介。黑蒜油拉面，汤好重蒜味，而且你好系可以食到蒜粒，汤好浓，叉烧黎讲都可以，够大块，而且系半肥瘦，有口感，我地两个都快食晒，清光啦，会再黎帮衬。