餃子縣餃子專門店 (已結業)

最近转左系旺角返工，系附近搜索下lunch有咩好食行过见到呢间饺子专门店，本身都好钟意食饺子既我就试下佢。叫左个汤饺子面餐，有3只饺子配面加一杯饮品。主角饺子可选一款，我选择左猪肉津白饺。饺子皮做得几有口感，烟烟un un ,内里馅料都足，几大只既👍🏻的确系饺子专门店。而面就如图叫左酸辣粉（中辣），份量都大碗，唯独自己唔记得叫走青走花生唔怪得人，本人唔喜欢生葱😅不过总括系一碗正常既酸辣粉😃叫左豆浆都几大杯架，$56价钱个人觉得都值，不过悭妹应该唔会成日食，因除左饺子其他唔算太特别，所以lunch还是会再试下其他选择。题外话讲下，因旁边卖臭豆腐，一路食时系会一路闻到，虽然我唔讨厌呢阵味。