冠華粥麵

营业中

休息中

听闻话呢间屋村小店，因为商场大翻身，有可能被逼结业，今日转登跑上嚟试试。虽然系叫粥面店，但呢度个手工烧卖（$20，10粒）略有名气，大小比坊间鱼肉粉头烧卖大啲啲，食落口感较为糯，更加有𡁻口。既然系叫牛什粉面专家，顺便叫多碗牛杂面（$36），4小片草肚、2小片金钱肚、1旧肺、2旧肠、1小片膀。老实说，好一般，但好有旧时的味道（尤其汤底），叫做食吓回忆咁啦。另外加多两支细樽装可乐（$12@）。真心讲，如果专程嚟食，可以悭番（因为都几山旮旯，而且唔太易揾。如果问路，可以问邮局系边，因为隔离就系）。但如果系附近，可以一试。