臺坊 (香江大廈)

营业中

休息中

有日去骆克道睇完装修嘢，黄昏时间觉肚饿，见到间企理嘅台式餐厅忍唔住入咗去食。话说入座嘅时候餐厅冇乜人，入去果下都淆底会系伏嘢，但好想食蛋饼最后都系拣咗坐低食。点知坐低唔够5分钟成间餐厅就坐满人，我个心当堂定咗好多好中意个酱罂。餐牌有好多款地道台湾饭面选择，而且价钱面亲民，隔离枱点咗牛肉面，见到份量都好大份，拎个餐牌睇下都只系六十零蚊。另外小食同饮品种类都好多选择，价钱都系亲民价。蛋饼馅料我拣咗芝士加肉松，制作过程大约需时10分钟。蛋饼份量比我预期大好多，本身谂住当late afternoon tea食，结果食完个蛋饼晚饭都唔使食。蛋饼皮烟靱，馅料饱满，整个蛋饼入面都有满满嘅芝士、蛋同肉松，虽然馅料丰富但蛋饼咬嘅时候都冇散开，每啖都食到唔同嘅馅料，香味十足，呢个蛋饼出食出乎意料咁好食，亦出乎意料咁有台湾味道，下次台湾瘾起可以嚟止瘾另外叫咗杯冬瓜仙草茶，茶底同仙草都唔太甜，味道系台湾味。