影片
更多
2023-04-24
4522 浏览
从未试过服务态度咁差嘅酒楼😡😡😡4月23日中午约了一班朋友好耐冇见嘅到此酒楼饮茶聚旧，由于怕午膳时间人多等得耐，所以提早两日订咗枱，订枱时职员只特别提示过中午繁忙时间就算订咗位去到都要等一阵，就会优先安排入坐。我book咗1:15m ，但因为知道假日可能多人饮茶，我们预早大约40分钟左右去到等。大约等咗15分钟就安排我一家入坐，直到我们入坐后大约15分钟左右就有位职员态度非常恶劣走过来话：「你哋仲未叫嘢食呀？你哋好快啲叫啰㖞，我哋呢度饮茶限时个半钟嘅㖞！」我即时回答：「吓～～我订枱时你哋同事无提过有限时㖞！就算刚刚接代处安排入坐嘅职员都无同我讲嘅？」职员立即好大声话：「门口有贴住提示，你哋自己唔睇」🙄🙄我当时都仲好有耐性答：「你门口周围都满客人挡晒我点睇到呀？做生意繁忙时间做得一枱得一枱我明白，什至你哋可以同我讲声要过半数人先可以入坐，未够张枱就要俾其他客人先我都接受，但你哋由我订枱到入坐都无人提过会限时，宜家见我坐低15分钟都未齐人先行埋嚟话限时？」个职员立刻态度更差，四个茶壶斟到无晒水，好声好气唔该前唔该后叫佢帮手加水当听唔到在你面前黑住面直行直过😡😡🤦♀️
4月23日中午约了一班朋友好耐冇见嘅到此酒楼饮茶聚旧，由于怕午膳时间人多等得耐，所以提早两日订咗枱，订枱时职员只特别提示过中午繁忙时间就算订咗位去到都要等一阵，就会优先安排入坐。
我book咗1:15m ，但因为知道假日可能多人饮茶，我们预早大约40分钟左右去到等。
大约等咗15分钟就安排我一家入坐，直到我们入坐后大约15分钟左右就有位职员态度非常恶劣走过来话：「你哋仲未叫嘢食呀？你哋好快啲叫啰㖞，我哋呢度饮茶限时个半钟嘅㖞！」
我即时回答：「吓～～我订枱时你哋同事无提过有限时㖞！就算刚刚接代处安排入坐嘅职员都无同我讲嘅？」
职员立即好大声话：「门口有贴住提示，你哋自己唔睇」🙄🙄
我当时都仲好有耐性答：「你门口周围都满客人挡晒我点睇到呀？做生意繁忙时间做得一枱得一枱我明白，什至你哋可以同我讲声要过半数人先可以入坐，未够张枱就要俾其他客人先我都接受，但你哋由我订枱到入坐都无人提过会限时，宜家见我坐低15分钟都未齐人先行埋嚟话限时？」
个职员立刻态度更差，四个茶壶斟到无晒水，好声好气唔该前唔该后叫佢帮手加水当听唔到在你面前黑住面直行直过😡😡🤦♀️
张贴