影片
更多
2012-07-08
55 浏览
今(8-7-2012 Sun)朝同男友起身落荃湾食早餐,去边间食好呢?兆和街o既茶餐厅已经变晒翠华,而我对翠华又冇乜好感,大家乐啦.我o地o黎到时大约10:45am,有好多人排队攞o野食,男友要$24.00o既吉列猪扒配北海道炒滑蛋,牛油多士,加$3.00要冻奶茶,我要$24.00o既吉列猪扒配肠仔,牛油多士,同样加$3.00要冻奶茶.然后男友负责攞o野食,我就拎埋佢个袋去揾位,呢个时间好full,行匀成间再返转头至有位,男友亦等o左几耐吓至拎到o野食o黎.吉列猪扒size适中唔太大件,但男友o既北海道炒滑蛋好似少o左啲,因为我都有两条肠仔.好开餐, 猪扒内里唔太干身,但未到好juicy,OK o既.肠仔同炒蛋都冇问题,多士就烘得唔够,而且都系放软o左.至于杯冻奶茶,水准返o黎喇,味道o岩o岩好唔淡.服务:我拎埋男友个袋揾位o既同时,因为都要放返啲钱入银包,所以行埋一边边行边整,点知一个应该系负责扫地o既亚姐迎面而o黎,行埋我想避人o既右边,不发一言撞到我同入o左一间房.哗!亚姐,须知我左右手都有一个袋,又垂低头整银包,我都见到你手拎住扫帚同垃圾铲,但你都可以叫声借过,而唔系就咁撞埋o
我o地o黎到时大约10:45am,有好多人排队攞o野食,男友要$24.00o既吉列猪扒配北海道炒滑蛋,牛油多士,加$3.00要冻奶茶,我要$24.00o既吉列猪扒配肠仔,牛油多士,同样加$3.00要冻奶茶.
然后男友负责攞o野食,我就拎埋佢个袋去揾位,呢个时间好full,行匀成间再返转头至有位,男友亦等o左几耐吓至拎到o野食o黎.
吉列猪扒size适中唔太大件,但男友o既北海道炒滑蛋好似少o左啲,因为我都有两条肠仔.好开餐, 猪扒内里唔太干身,但未到好juicy,OK o既.肠仔同炒蛋都冇问题,多士就烘得唔够,而且都系放软o左.至于杯冻奶茶,水准返o黎喇,味道o岩o岩好唔淡.服务:
我拎埋男友个袋揾位o既同时,因为都要放返啲钱入银包,所以行埋一边边行边整,点知一个应该系负责扫地o既亚姐迎面而o黎,行埋我想避人o既右边,不发一言撞到我同入o左一间房.哗!亚姐,须知我左右手都有一个袋,又垂低头整银包,我都见到你手拎住扫帚同垃圾铲,但你都可以叫声借过,而唔系就咁撞埋o黎o假?我点知原来我右边有个房呢?
就凭你呢点,一向畀我感觉唔差o既亚姐,即刻又打个折.
张贴
