Sodam Chicken (已結業)

平时食炸鸡黎黎去去都单款或者双拼，想食多几款都唔得，劲冇瘾。今次见上网推介Sodam Chicken有放题式食法，第一时间带埋朋友仔上黎踩下场⋯ ✨炸鸡焗鸡放题 $178/位90分钟放题，包齐多款口味炸鸡、是日pizza、各款小食，全部都系任食。饮品虽然另外加钱，但买一送一都好抵，仲有几款啤酒俾大家拣，岩晒「炸鸡配啤酒」的你。 ⦁ 黑糖脆脆炸鸡只味系新推出，黑糖酱加埋粟米脆片，食落有种焦糖爆谷的感觉。黑糖味好重，岩晒饮开黑糖珍奶的朋友仔。 ⦁柠檬柚子炸鸡都几开胃，酸甜度适中，食落有种refresh的感觉。 ⦁黄金咸蛋黄炸鸡对我兴趣不大，但朋友食完再食，佢话有种流沙质地，完全系感觉享受。 ⦁蜜糖蒜香烤鸡个人比较推荐尼款，蜜糖味重得黎唔算好甜，似平时BBQ的时候狂落蜜糖的感觉，但不失香脆的口感。 小食有泡菜、酸萝卜、凉拌水冷面、柚子醋沙律等，个人力推酸萝卜同柚子醋沙律，完全可以解炸鸡既热气。 总结一下，试齐咁多款炸鸡，每款都系热辣辣，肉质唔干好滑。重点全部都系无骨，岩晒「钟意食炸鸡但唔钟意有骨」的女神。顺带一提，店内提供的手套好厚实，用完之后对手都系劲干净同唔油。