龍皇酒家 (開源道) (已結業)

今日家庭聚会饭出左去龙皇酒家都食，装修虽然唔算好特别高雅既酒楼式装修，整整齐齐既餐桌，已经比人感觉好舒服，仲要加个嬴晒既境，对住个海食饭，胃口都大d！挂住食同倾计，只记得影小小食物既相小笼包皮薄馅料多，味道又唔错，一口咬落去汤汁流晒系口入面，真系好正！椒盐鲜鱿，师傅炸得好金黄松脆，面头晒上好多既炸过既蒜粒，好惹味，鲜鱿好爽口好弹牙，好好味！咸鱼鸡粒豆腐煲，远远已经闻到好香既咸鱼味，热辣辣既鸡粒豆腐都切到细细粒一齐煲，岩晒捞饭食！龙虾汤海参，海参口感淋淋地非常好索晒浓郁既龙虾汤味，食落真系又多汁又好味！今晚主角大闸蟹，一大碟排得整整齐齐好靓仔，又大只又多膏非常好味，肉质都好鲜甜好甜，点埋酸酸既醋一齐食，更有另一番风味！