正宗山西刀削麵皇

营业中

休息中

我已经唔系第一次特登去荃湾食呢一间刀削面，系好耐以前见到好多人排队食过一次之后成日都好想再食。我次次都系食佢个猪耳仔捞面，系佢呢度嘅猪耳仔令到我上咗瘾。我之前从来都唔食猪耳仔，食咗呢度呢间先发觉原来猪耳仔可以好爽好好食。猪耳仔嘅份量绝对唔少。次次都食到我过足瘾。有汤冇汤我都试过,自己个人钟意冇汤嘅捞面多啲，佢啲酱十分之野未，我钟意食啲粗啲嘅刀削面， 有咬口烟烟韧韧。而妈咪就食咗佢嘅云吞刀削面，有汤版本。云吞好大粒，食完超级饱。虽然我自己个人就钟意细细粒嘅云吞多啲，但系呢度嘅云吞都唔错，唔好令我失望。虽然间铺头细细，坐落去麻麻哋舒服，但系呢个价钱，咁大碗，仲要咁好食，我觉得性价比一流。