無問題 (已結業)

香港人压力大就系人都知。 睇住楼价物价系咁升，真系笑都笑唔落。如果俾你拣香港一个世外桃源，你会想去边一度避下世呢？我就会拣西贡。平日嘅话，你可以同朋友嚟挑战自己行吓山。周末嘅话，可以行吓市集、睇吓人喺船上边买鱼或者睇吓人去公园放狗等。夏天嘅话，当然唔少得去海滩感受下水清沙幼啰。其实好似班外国人，咁错坐喺餐厅度饮番几杯、倾吓计，都系唔错嘅选择。今日我哋就嚟呢度食晚餐，酒就冇饮，美食就有叫。呢度嘅Happy Hour都几抵㖞，可惜今晚同妈妈黎，要节制下！下次有机会一定再试！是日餐汤配多士$50有两款选择：番茄汤同埋鸡汤我同妈妈做各试其中之一。蕃茄汤比较下，相对酸，饮落好醒神开胃，饮落粒粒蕃茄蓉！我就钟意个忌廉鸡汤，入口creamy d，配衬简单既面包更发展其功效!杂锦海鲜意粉慢煮浓番茄汁同巴马臣芝士呢度嘅杂锦海鲜系好细𠮶啲配料，有鱿鱼青口蚬肉等，我觉得如果上碟有多两只大虾摆面比较吸引。铁板烧猪扒仲食黑椒汁同埋烧汁咁普通咩？呢度嘅猪扒系配苹果肉桂汁，甜甜地又满布肉桂香气，更加带出肉香。薯蓉够细滑。