Mansons Lot (汕頭街)

营业中

休息中

湾仔玩具街老店将光荣结业，趁仲有时间嚟寻宝。玩具街附近都好怀旧，好值得闲逛。买完就去揾食，见到好多咖啡铺，但有埋餐点就不多。Mansons Lot有啡有酒有奄列，仲有牛扒。门口位摆左好多黑胶唱片，店内光线温柔，好啱慢慢叹杯啡/酒，倾下偈。每个人都有杯dream coffee，而我个杯就系Irish coffee。见餐牌有，二话不说就入去。🍸Irish coffee $88唔系度度有，要有酒牌嘅咖啡店先有。今次呢杯系热㗎，最钟意面头旧cream，中和烈酒和浓啡嘅苦，酒香咖啡香好正😍。🍹Tonic Espresso Bomb $60好啱炎夏饮嘅一款咖啡，杯上沾上糖，配上一角橙肉。将咖啡倒入Tonic中，形成如啤酒般绵滑泡沫，爽。🥚Omelette Smoked Salmon & buffalo cheese $108好厚好滑好大件嘅奄列，做得好好，入面芝士蛋汁同烟三文鱼滑溜，好夹，外面煎得干身，卖相又靓。🥩Grilled Rib Steak with potato fries 由于叫左杯Irish coffee，想叫啲有份量嘅衬番😂。牛扒煎得唔错，外焦香，内粉红，肉质不错，好香牛味。