鳳城酒家 (已結業)

今晚我们去咗「凤城酒家」喺太子店食晚饭！我们叫咗原炖鸡鲍翅、西兰花炒带子、滑蛋炒虾仁、西芹腰果炒肉丁、凤城炸粉果同蒜蓉炒豆苗！原炖鸡鲍翅嘅汤底比较淡，翅份量比较少，唔系想像中咁好，令我们有小小失望！西兰花炒带子嘅带子好大粒，亦好鲜味！滑蛋炒虾仁嘅炒蛋炒得相当嫩滑，虾仁亦好大只同好弹牙！凤城炸粉果有两种食法，有唔浸汤嘅好香脆可口，而浸汤嘅轻轻浸一浸，令到粉果变得软腍腍，同埋吸收晒上汤嘅甜味！蒜蓉炒豆苗炒得唔太油腻同份量十足！