爆丼屋 (已搬遷) 新店位置

今晚我们行过旺角豉油街见到有间新开嘅「爆丼屋」有好多人排队，同埋睇到店外嘅广告灯箱播出嚟嘅图片好吸引，所以我们就决定喺度食晚饭！我们叫咗三色海胆盛丼、爆盛慢烧牛肉丼「大」、重量级烧牛扒盛丼同烧鳗鱼盛丼！三色海胆丼其中两款海胆都几鲜甜，但另一款嘅海胆就有啲啲臭嘅味道！爆盛慢烧牛肉丼「大」系将啲牛肉烧至半熟，所以肉质相当嫩滑，配埋芝麻酱一齐食，感觉唔会好腻！重量级烧牛扒盛丼嘅牛扒烧得有啲过熟，令到肉质比较硬实！烧鳗鱼盛丼嘅鳗鱼肉质都几软滑弹牙，鳗鱼汁嘅味道唔会好咸！总括：几款丼嘅摆设卖相非常精致吸引，份量超多，都几抵食，但有啲嘅味道就唔系想像中咁好，有啲名大于实嘅感觉！