鳥棲日本料理 (已結業)

每个月嘅纪念日都会食好啲📆，专登Book台食呢间好评满满嘅工厦日本餐厅。内部半和风装修，全部都系梳化位🛋️，好就叫坐得舒服啲，我哋坐系中间搭台好迫，食物都唔够位放😥，但有啲两个人又有四人卡位坐⋯播住80、90后都听过嘅广东话，食住港式嘅日本菜🍢。食物质素方面，真金白银比钱食嘅我哋只想食完快啲走，呢个价钱可以食到质素更好嘅餐厅😳。唔太明白点解会full booking，7点walk in会无位⋯————————————————👅松叶蟹钳海鲜锅（$138）👎🏻应该改名叫「急冻海鲜杂锦锅」，海鲜无鲜味，汤底都系普通白汤😔，自己买现成食材放埋一堆都整到，仲会平一大截，食到嘅系诚意欠奉⋯👅鸟栖和牛（$36/串）🔸第一啖觉得几软，咬咬下有啲弹牙🐮，亦有少少筋位，及少量牛脂香.👅烧鸡翼（$30/串）🔸就系盐烧鸡翼啰⋯👅月见免治鸡肉（$58）🔸 虽然写明制作需时，都等到食饱先上，一个女生拳头大小嘅焗鸡绞肉🐔，流心蛋汁加持好食一倍，不过掂到好热嘅铁板就好快熟👅蓝柑富士山（$35）👎🏻单睇颜色几人工，味道毫无悬念系柑橘糖浆汽水味🥤，饮饮下似清X酷/清热X，外加一球雀巢级别嘅雪呢拿雪糕————————————