太興 (已結業)

今日同旧同事一齐食饭，几个男人喺去食男人浪漫,就是烧味啊。太兴间餐厅,装修清洁一向都唔错，而且食物都有唔错嘅保证。不过今次经验就麻麻哋，首先我哋去到嘅时候,系睇餐牌,店员已经同我地讲原来已经好多烧味都卖晒。但系个时候其实先系七点钟,作为一间烧味专卖店,有点难接受。唯一一道的烧味，我哋叫咗一个烧味双拼，叉烧烧肉。质素来讲,普通,叉烧唔错、烧肉OK。但是这个价钱来说，不能说是出众。叉烧系半肥瘦,肉同脂肪分布不错，而且你可以留意到有油脂嘅光泽,皮有少少蕉香。至于烧肉,我认为皮可以再香脆少少，不过可能系唔同制法,所以无乜所谓。其他我哋转咗叫小菜,菠萝咕噜肉，整体来说觉得唔错，水平系一般以上。因为猪肉香,而且炸得好脆，酸酸地嘅酱汁一齐，非常开胃。可惜,梅菜扣肉是一个失败。可能由于想悭钱,梅菜扣肉切得好薄好薄，实际上食到嘅只系一团肥膏,所以真正身份系一个梅菜薄切肥膏。其实最重要的是，价钱其实不便宜。如果肉系贵，可以直接把价钱提高，但不能偷工减料。