平成二十二日本料理 (已結業)

一直以嚟都想一试平成嘅放题，听闻高质素不过今日一试有少少失望入到去有屋酒屋嘅感觉，而呢度啤酒清酒任饮真系，但点都要睇睇食物质素系点，食放题首先食刺身，之前两位送海胆因为供应问题改送鲍鱼，虽然鲍鱼系送嘅但都几大只而且弹牙而其他象拔蚌未见十分出色，但比起出面放题有鲜味，而赤虾大大只而带子又完粒上，不过嚟得好似唔齐，而寿司方面无我心爱嘅海胆十分失望，得霜降牛肉寿司比较特别，而热食方面苦瓜炒蛋系出面好少食到，而清酒煮蚝及蒜片牛柳粒系我推介，其他好似牛舌及羊㗎不过不失未见突出但饭面主食蟹粥淡而无味，至于其他一般。而之前记得有煎鹅肝而家竟然取消咗真系好失望因为我多多少少为鹅肝而嚟。总结:食物系有一定质素但有漏单问题，我哋应该食到23:00但22:00就准备结帐截单。食物种类唔算太多，唔见有锅物，又无军舰寿司。题外话唔知我朋友系未饮醉酒，系度话啲嘢难食垃圾，平心而论未去到咁差一路食一路听佢骂影响食欲，所以可能有欠公平。