有囍 (已結業)

程程生日，系佢屋企附近有间有囍餐厅，食中菜的。价钱大众化。餐厅好光猛, 坐位舒服. 职员都好nice!我地两个人，叫咗川弓白芷鱼头锅，海南鸡半只，笼仔蒜蓉开边虾蒸糯米饭(不过程程唔钟意食糯米饭, 所以转咗炒饭底)，牛奶什菌蛙蛙菜。笼仔蒜蓉开边虾蒸炒饭底~香喷喷蒜蓉, 炒饭上舖满一开二嘅虾. 虾好鲜甜. 虾肉爽. 炒饭又香川弓白芷鱼头锅~天气冻，补补先。红枣，川弓，白芷， 党参， 北芪，当归，准山，杞子，大鱼头。香浓嘅药材味道浓罩住成间餐厅。当滚起之后急不及待饮咗2碗汤。好正嘅药材味。之后仲叫咗枝竹放落汤一齐煮滚。鱼头超级新鲜.海南鸡半只~鸡肉好嫩滑, 鸡皮又薄又滑。配埋黑酱油、辣椒酱和姜蓉，令味道更加多元。牛奶什菇蛙蛙菜~蛙蛙菜好甜好新鲜，鱼肚吸晒有牛奶嘅汤中非常鲜甜。