叄壽司凍肉專門店

营业中

休息中

今日上朋友仔屋企玩猫，买外卖上去食啦，系附近揾到呢间寿司店。原来唔止寿司店咁简单，仲有鸡煲、冻肉，代购食品，小店做到一应俱全。自完制墨鱼咀，喜欢食辣一定要试，够辣不特止，墨鱼咀咬落去索索声兼有口感，好好味！三文鱼、吞拿鱼刺身，刺身表面有光泽，新鲜又厚切，抵食！带子裙边、辣味三文鱼、牛油果寿司，呢三款都系特色寿司，带子裙边好爽口，三文鱼角切连紫洋葱有微辣刺激，牛油果做寿司，效果又唔错㖞！腐皮寿司都不再单调，有几个组合，有创意得来又好味。蟹子玉子烧，暖笠笠既玉子烧食到浓郁蛋味，蟹子系口卜卜下仲有一层层玉子口感，食落好多层次。鸡软骨，一份既份量都唔少啊，软骨好有咬劲。