三寶素食

营业中

休息中

长沙湾开咗间新嘅素食小店，店内座位唔多，大约4张枱。可以自己系出面拎罗汉果水、水同餐具。食完可以将碗碟餐具放系取水处嘅底下。店员几细心，落单时会先问素别 (纯素定蛋奶素)，再特别提醒我哋某啲菜式嘅致敏成分，例如麻酱拌饺子含有花生，店内亦有张贴含蛋奶食材嘅提示。寿司C餐 ($55/ 16件)福袋寿司 4件太卷 2件牛油果卷 2件青瓜小卷 4件黄萝卜小卷 4件麻酱拌饺子 ($40/ 12只)双拼: 鲜蔬菜粒、黄金粟米饺子可以拣单拼或双拼。2款饺子嘅味道都好相似，有粉丝、甘笋、椰菜等食材。饺子皮质感软身，表面淋上胡麻酱，旁边放有油麦菜，整体菜式似汤饺、比较湿。白石乌冬 (三丝) ($50)三丝系甘笋丝、白萝卜丝同豆干丝，乌冬幼身，质感少少似上海面。是日例汤黄芪冬瓜汤材料有黄芪、冬瓜、冬菇、红萝卜等，味道清甜。