MUM 日常野菜料理 (已結業)

日式野菜料理喺香港选择并唔多，我喺逸东酒店个 food court 就食过一次，第一次，亦都系唯一嘅一次，估唔到卖相精美之外，味道仲非常不俗，一试难忘。呢度嘅日常定食有三𩠌同四𩠌两个选择，我拣咗三𩠌，另外仲配有五谷杂炊饭，味噌汤同麦茶。𩠌菜共十六款，十一热五冷，剩系睇名都好吸引，一时间好难选择😅，左拣右拣，最后拣咗金平牛蒡，姜葱汁煮茄子同埋萝卜冬菇关东煮。我觉得呢类日式野菜料理最吸引之处，在于虽然食材简单，但系烹调方法非常用心，摆盘一丝不苟，所以只要食材够新鲜，就已经好好食。三个𩠌之中我最钟意系姜葱汁煮茄子，一来我本身好钟意食茄子，加上个姜葱汁好能够带出茄子嘅鲜味，非常好食；另外，关东煮虽然调味简单，但系红萝卜同白萝卜又甜又腍，感觉好清新；金平牛蒡则充满麻油香气，又系好正👍。