秋意 (成業工業大廈)

营业中

休息中

虽然好钟意食鸡，但身边总系有朋友因为多骨而唔食，所以之前youtube见有人介绍无骨滑鸡已经好想黎试。豉油鸡系呢度名物，本来有少少怀疑豉油鸡味道来来去去都系咁上下，但一食真系有惊喜。 鸡肉入口滑嘟嘟有弹性，连鸡胸都好滑。 鸡皮唔会好厚，平时懒健康都说服到自己一啖sir落口。 豉油汁都好出色，睇落深色但唔会太咸或太甜，恰到好处唔会腻。口水鸡估唔到都系平分秋色，平时好怕口水鸡太多辣油浸住好肥咁，呢个酱花生味比较重唔会觉得油，想要嘅麻辣都做足晒，好惹味。红烧肉不过不失，调味都唔错，如果系炆到散晒嘅程度就更好。