老鍋台式火鍋 (京都廣場) (已結業)

行完SOGO 行到攰，妈妈想食火锅，揾间好坐又好食嘅火锅，系openrice 揾到呢间评语唔错又咁啱系附近就上嚟食啦。位置好方便，系铜锣湾地铁站C出口，一出对面马路京华广场2楼就系老锅啦…一出有个天灯许愿区可以许下愿，啲老人家最钟意有啲花臣玩下又有得影下相就最开心。火锅价钱唔系特别贵，先嚟拣汤底先，有6款以上选择，同妈妈嚟咁系拣养生锅啦（$228）内有多种名贵药材，人参，火腿老鸡同猪肉精心肴制而成，果然上枱好香人参味，啲料都好多，有粟米，蜂巢冻豆腐，冬菇，红枣，圆肉杞子等等。食火锅点少得牛肉，我地叫左个精选手切牛肩肉（$198）新鲜又够牛味，因为系牛肩肉，所以脂肪唔多，反而好好咬口又唔韧，唔错。三秒响铃卷（$68）新鲜即炸，好脆又大只，正。鹅肝墨鱼丸并黑松露虾丸（$58）半份鹅肝墨鱼丸内有一粒小小鹅肝，味好浓配上墨鱼丸好爽好咬口够弹牙，黑松露虾丸就香黑松露味虾丸依旧爽口弹牙。叫左呢到出名嘅皇室鱼肚（$88），有8大件，超厚身，渌完后索哂啲汤好好食。最后嗌左个限量冰菜（$68）高纤低卡丰富维他命B6,感觉健康啲加上翠绿卖相好靓，渌完都好爽脆。