影片
更多
2018-09-21
5035 浏览
上次同姐姐去完尖沙咀𠮶间616分店食晏觉得好好味,啲牛肉嘅质素真系好有水准,今日见好友要去沙田某间医院做检查,就拉佢嚟大围呢间分店再食啦!有好嘢梗系要推荐大家架嘛系咪(?!)原来呢间店相比起尖沙咀𠮶间就细小咗啲,朋友话呢条街啲舖头间间都系咁细架~果然系个<沙田友>,呢区真系佢仲熟过我。小店入面嘅装修都好似衬番个地区风格咁,一样咁有老香港嘅情怀,无论墙身抑或枱櫈都系好似七八十年代嘅冰室咁,最近中秋将至,佢哋仲传统灯笼高高挂,宁舍有味道
睇一睇个餐牌,原来呢间分店嘅午餐就只做三个套餐姐,质素好嘅嘢,通常都系专注做到最好,自然会有忠实粉丝支持~我好友见我讲到个芝士红烧牛肉面咁好食,所以佢就嗌咗呢个啦~咁我当然要试第二款,所以就叫咗个牛四宝汤饭喇。牛四宝汤饭$48蚊,牛四宝系咩呢?原来即系牛筋+牛腩+牛腱+牛仔骨,食呢个饭嘅感觉同个牛肉面完全唔同,上次食面系觉得好惹味同埋系浓味嘅一款嘢嚟。今次食呢个饭觉得好清新,因为佢里面个汤原来系好清甜好好饮,唔好见佢个盅细细,我捞极都仲有嘢食,里面又有红萝卜又有西芹又有白萝卜,呢啲蔬菜全部都吸收哂汤嘅精华,入哂味又够腍,啲四宝牛又好正,块牛
牛四宝汤饭
$48
85 浏览
0 赞好
0 留言
牛四宝汤饭$48蚊,牛四宝系咩呢?原来即系牛筋+牛腩+牛腱+牛仔骨,食呢个饭嘅感觉同个牛肉面完全唔同,上次食面系觉得好惹味同埋系浓味嘅一款嘢嚟。今次食呢个饭觉得好清新,因为佢里面个汤原来系好清甜好好饮,唔好见佢个盅细细,我捞极都仲有嘢食,里面又有红萝卜又有西芹又有白萝卜,呢啲蔬菜全部都吸收哂汤嘅精华,入哂味又够腍,啲四宝牛又好正,块牛腱我食完仲想再食,牛仔骨嘅牛肉好似入口即化咁,一面用啲汤嚟捞饭一面食呢四宝简直就系超级享受,个汤好似系将啲牛味逼哂出嚟咁
芝士红烧牛肉面
$48
129 浏览
0 赞好
0 留言
芝士红烧牛肉面$48蚊,我个fd一向都系口味偏重嘅人,呢碗面就真系啱哂佢啦~同埋佢又咁钟意食辣嘢,呢个红烧汤底带啲辣味,连我个fd都话我冇介绍错,佢都好同意啲牛肉好入味,肉质又够腍,真系好似同我去咗台湾食牛肉面咁,佢住喺呢度附近就可以成日嚟食啦。
娃娃菜+唐生菜
$18
81 浏览
0 赞好
0 留言
女仔都系比较钟意均衡饮食,食餐饭又点可以冇菜落肚呢?一人点一碟唔洗争,跟餐加$9蚊就得喇,如果怕佢白烚唔够味,职员都俾咗一小碟豉油唔洗惊。我就唔点豉油嘅,啲菜够新鲜就咁渌完已经好鲜甜
张贴
