影片
更多
2016-11-04
4728 浏览
好似个题目咁讲，食咗啲好嘢梗系介绍俾老细食系最好架啦，我谂唔使我讲大家都知道点解系最好呢，嘿嘿。上次就两个人来食鱼生饭，已经觉得几好食评分唔错，今次就试埋个烧烤，我哋一行四个人，就叫咗三个餐一个鱼生饭。餐牌上分普通嘅烧肉餐同埋商务餐，咁我哋就叫咗一个普通嘅餐同埋两个商务餐。佢哋嘅分别除咗有牛嘅质素系唔同之外，就系个饭嘅分别，普通嘅餐只会配上白饭，商务嘅餐就会配上萌丼(即系流心蛋配紫菜白饭)普通餐就分别有牛肉，猪颈肉，鸡，牛舌。商务嘅餐都有两个分，我点𠮶个商务餐就有海鲜，会有两只大虾同两只扇贝，同埋有两款比较靓嘅牛肉。而再贵啲嘅就会有四款唔同嘅牛肉(睇上去有少少迟疑黄牛嘅质素)。至于食落去嘅味道特别推荐就系大虾，两只大虾嘅份量都唔细，都几大只。另外就系贵啲个𠮶餐的四只牛肉都好食，特别系薄切，肥瘦均匀，只需要两边各烤十几秒就可以食，千其唔好烤全熟，否则会un。另外同上次一样只要系Facebook度赞好都会有八爪鱼沙律甜筒送，而我上次嚟到嘅时候就冇晒甜筒，所以用紫菜包。今次终于可以用番甜筒，用甜筒整嘅味道比紫菜好，因为甜筒果种吹脆度比紫菜更丰富层次感更加大，再加上佢有甜甜嘅味道，带起咗薯蓉嘅
上次就两个人来食鱼生饭，已经觉得几好食评分唔错，今次就试埋个烧烤，我哋一行四个人，就叫咗三个餐一个鱼生饭。
餐牌上分普通嘅烧肉餐同埋商务餐，咁我哋就叫咗一个普通嘅餐同埋两个商务餐。佢哋嘅分别除咗有牛嘅质素系唔同之外，就系个饭嘅分别，普通嘅餐只会配上白饭，商务嘅餐就会配上萌丼(即系流心蛋配紫菜白饭)普通餐就分别有牛肉，猪颈肉，鸡，牛舌。商务嘅餐都有两个分，我点𠮶个商务餐就有海鲜，会有两只大虾同两只扇贝，同埋有两款比较靓嘅牛肉。而再贵啲嘅就会有四款唔同嘅牛肉(睇上去有少少迟疑黄牛嘅质素)。
至于食落去嘅味道特别推荐就系大虾，两只大虾嘅份量都唔细，都几大只。另外就系贵啲个𠮶餐的四只牛肉都好食，特别系薄切，肥瘦均匀，只需要两边各烤十几秒就可以食，千其唔好烤全熟，否则会un。
另外同上次一样只要系Facebook度赞好都会有八爪鱼沙律甜筒送，而我上次嚟到嘅时候就冇晒甜筒，所以用紫菜包。今次终于可以用番甜筒，用甜筒整嘅味道比紫菜好，因为甜筒果种吹脆度比紫菜更丰富层次感更加大，再加上佢有甜甜嘅味道，带起咗薯蓉嘅香。
另外加35蚊就可以有一份刺身，质料同鱼生饭一样地好。
烤肉的三种调味汁
今次终于写到我好想食鲷鱼烧，因为上次食完𠮶个鱼生饭套餐之后根本完全食唔落野，今次有四个人就可以share一下我嘅鲷鱼烧BB。店员预先帮你拎出嚟烤，只需要系个烤炉到轻轻烤两下就可以食啊。食落去出面其实唔会有热度，同冻食无分别，但味道系好好食。
卖单嘅时候虽然四个人都要七百几蚊，平均差唔多要＄200一个人头，但系我老细话好抵，好味呀。跟住我仲要问佢系咪好好介绍，佢竟然答我话系呀，咁即系有下次啦，哈哈。
张贴
