蠔站 (黃金廣場) (已結業)

圣诞前夕，系依度食圣诞大餐，依度好多高级嘅食材，有啲要早啲电话预订，好似有加拿大板胆，其他想食嘅都可以提早问吓店员。周围嘅环境唔算有太大既气氛，但服务尚算可以，但发现有好多食物都冇货，例如圣子刺身，龙虾刺身等。刺身拼盘 $428本身个刺身拼盘有螺、虾、赤贝、扇贝同蛏子刺身，但蛏子刺身冇货，刺身水平好似普通放题水准，唔算10分新鲜，完全唔值个价钱。生蚝拼盘 $199生蚝拼盘可加钱换一只法国Gillardeau生蚝，生蚝来自12个国家，蚝嘅水准都麻麻，唯一一个加钱嘅法国生蚝海水味都重，而且鲜甜，建议可直接order法国gillardeau生蚝。另外，生蚝拼盘亦有一杯红酒或白酒供应。加拿大版胆 $498依个要预先打电话订，个海胆有种甘苦味，而且佢嘅颜色亦不吸引，紫菜就系好似韩国买返嚟有盐嘅紫菜。我觉得可以唔使再食。美国顶级肉眼扒 $468牛排肉味浓，亦有油脂香，略嫌脂肪较多，但整体来说多OK。法式焦糖炖蛋伴雪糕 $88上面焦糖脆脆的，但以呢个价钱亦都可以喺其他甜品舖食到可能更好嘅水准。心太软 $98心太软外面冇脆脆的，而且蛋糕部份比较多留心部份比较，水准一般。总括来说，应该唔会再去呢间店舖。