木屋大排檔

营业中

休息中

大埔只有极少数嘅泰式餐厅，木屋系其一。疫情之前都久唔久帮衬一下疫情后就好少再去，上几星期帮衬过一次都可以，所以今次又再嚟帮衬。今次多啲人所以叫多几样菜式试下：明炉冬阴功乌头: 冬阴功汤嘅质素都几代表泰式餐厅嘅嘢食，佢个冬阴功汤真系非常之淡，好似系有冬阴功味嘅水咁，其实个炉咁细个汤都系得好少，真系唔需要再沟水啰。配料有劲多嘅秀珍菇，但系个汤真系好唔掂。马拉盏炒椰菜苗：呢个份量非常足够，但味道稍为淡咗啲，马拉盏味薄弱。烧菠萝：落单时已经同咗经理讲话可唔可以烧得香口啲因为上次食过好似冇烧一样。但经理话烧完会好干。嚟到见到真系就咁落少少糖，再用火枪辣过就算，完全带唔出菠萝嘅甜味，之前食过真系好食。辣椒膏猪颈肉炒饭：谂住呢个会好辣好惹味，点知嚟到完全系西炒饭嘅质素连我六岁嘅女都食到😂。有少量猪颈肉粒，普通炒饭质素。小食拼盘（大）：总共有六款小食，四款有四件另外酿鸡翼同咖喱角就只得两件，呢个就正正常常但系最弊之处佢垫底嘅沙律菜竟然系烂🥲铁板蚝仔煎蛋：全晚最正常呢一个蚝仔冇壳唔太腥，配埋炒蛋再加个辣椒酱不错。本来都未系好够饱，不过都系返去煮面算。